Сайрам-Өгем мемлекеттік
ұлттық табиғи паркі
ұлттық табиғи паркі
19.10.2023 жылы ғылым, ақпарат және мониторинг бөлімінің жоспарына сәйкес кезікті Сайрам-Өгем МҰТП-і флорасын түгендеу, оның мониторингі, өсімдік жабындысы жүйесінің сипаты атты кезекті семинар өтті.
Семинарда М.Әуезов атындағы Оңтүстік Қазақстан университетінің "Биология және география" кафедрасының аға оқытушысы, биология ғылымдарының кандидаты, доцент Ибрагимов Т.С "Дермене жусаны (Artemisia cina) өсімдігінің өсу ареалы мен биоэкологиялық ерекшеліктері жайында баяндама оқыды.
Семинарға бөлім қызметкерлері және М.Әуезов атындағы ОҚУ-дың магистранттары қатысты.
16.10.2023ж. Ұлттық парктің кезекті №5 ғылыми-техникалық кеңесі өткізілді. Күн тәртібінде қаралған мәселелер:
1. Филиалдарда туристік және рекреациялық мақсатта пайдалануға жалға учаске алған жер пайдаланушылардың келісім-шарт талаптарын орындау барысы туралы.
2. Орман екпе алқаптары мен орман тұқымбақтарындағы өсірілген ағаш-бұта көшеттерін күзгі түгендеуден өткізудің қорытындылары.
Ұлттық парктің Төлеби филиалы Сарыайғыр шатқалында 14-қазан күні "Орман шаруашылығы қызметкерлері күні" іс-шарасы өткізілді.
Іс-шарада орман шаруашылығы саласының ардагерлері, облыстық орман шаруашылығы, табиғат және жануарлар әлемін қорғау қызметкерлерінің жергілікті кәсіподағының өкілі, Қаратау табиғи қорығы мен ұлттық парк қызметкерлері қатысты.
Іс-шарада қызметкерлерге түрлі "Алғыс хаттар" үлестіріліп, бағалы сыйлықтар берілді.
