Сайрам-Өгем мемлекеттік
ұлттық табиғи паркі

Қозғалыс түрі – атпен, бағыттағы негізгі пунктер Өгем кордонының жотасы,  Өгем - жол жөнекей Диірменбастау шатқалы. Бағыт ұзақтығы – 45 км.

Офлайн навигатор

Мақпал көлі теңіз деңгейінен   2290  метр биіктігінде Өгем ауылынан 15 км қашықтықта терең Мақпалсай шатқалының жоғары бөлігінде Өгем жотасының солтүстік беткейінде орналасқан. Бағыт көпірден басталып Өгем өзені арқылы оңтүстік бағытта көрікті жер алмалы және өрікті бақтар, аршалы және сирек орманды донала арасымен өтеді. 2,5 сағаттан кейін соқпан жол шығысқа бұрылады. Диірменбастау шатқалына бұрылып, түстікке бұлақта тоқтаймыз. Бұдан әрі жол Диірменбастау шатқалының оң жақ түбі бойымен оңтүстік бағытта болады. Шатқал бауыры итмұрындықтармен жабылып тұр, Сиверс алма ағашы, арша мен зерек өсіп тұр. Саланың оң бөлігі мен жайлау алуан түрлі шөптермен жайқалған. Алуан түсті Кауфман қызғалдағы жиі кездеседі. 2000 м шатқал биіктігінде Қаржантау, Өгем жоталары мен Өгем өзенінің ерекше жазықтарының ерекше келбеті ашылады. Мұндағы бағыт Түркістан аршасының сирек тобы бар альпілік шалғын арасымен өтеді. Соқпақ жолда ең жылдам жәндік аңшысы Алайск кесірткесін кездестіруге болады. Бұдан әрі бағыт Азатерке шатқалының жоғарғы бөлігінің бойымен өтеді, ол шығысқа тігінен бұрылып, Жолаушы асуының (2790 м) тұйығында аяқталады. Өзенге түсетін жол қиын әрі ұзақ. Жолға кететін уақыт – 6 сағат.
    Мақпал өзені терең жерде орналасқан. Өзеннің шығысы биік жартастармен жабылған, батыс бөлігі мықты тұйыққа тіреліп тұр, оңтүстік бөлігіне өзен құлап ағады, ал басты бөлігі – бұл сирек арша орманды кең альпілік шалғын. Көл аумағы шамамен 2000 шаршы метр, тереңдігі шамамен 15 м, суы мөлдір – көгілдір түсті, шілде-тамыз айларында су температурасы шағын жағажай орындарында 18 градусқа жетеді. Құзды учаске ортасында 50 метр биіктікте бұлақ көзі бар. Жағалаудың төменгі жағындағы жартаста үңгір бар. Мұндай табиғат үйлесімділігі жанды баурайды, ауада бүркіт қалықтап оңтүстік беткейде ұлар сайрайды, ал құз астындағы шалғын алаңда маңғаз тау ешкілері жайылып жүреді.
    Келесін күн шатқал бойынан 4 км төмен орналасқан Қонжық көліне жол. Шағын ғана Қонжық көлі (150 ш.м.) –бұл талай уақыт шатқал түбін жауып жатқан жартас сынықтарының қоршауындағы нағыз оазис. Құнарлы шөп Максикович рауғашы, Пскем пиязы, жабайы алма, арша мен зерек осы жерге Тянь-Шаньдық аюды тартады.
    Үшінші күн жоғарға көтерілетін бағытпен Өгем ауылына оралу.

Туристік бағыттар жөнінде ақпарат
Парк аумағында 11 туристік бағыт ұйымдастырылды, олардың паспорттары Орман шаруашылығы және жануарлар дүниесі комитетінің 2008 жылғы 1 сәуірдегі №93 бұйрығымен бекітілген.