Жаңалықтар

: Опубликовано: 08 Апрель 2026

Gymnospermium albertii – ерте көктемде гүлдейтін сирек әрі ерекше өсімдіктердің бірі. Қар ерісімен-ақ жер бетіне шығып, табиғатқа көрік сыйлайтын бұл гүл наурыз–сәуір айларында сары түсті нәзік гүлдерін ашады.

Бұл өсімдік Қазақстанның оңтүстік өңірлерінде, соның ішінде Тянь-Шань тау жүйесінің бөктерлерінде, Сайрам-Өгем ұлттық паркінде және Қаратау жоталарында кездеседі.

Биіктігі 10–25 см шамасында болатын көпжылдық өсімдік. Жапырақтары әдемі тілімденген, ал гүлдері күн сәулесімен ерекше жарқырайды.

Фото авторы: Ғылым, ақпарат және мониторинг бөлім басшысы Ғ.Жеңісбекұлы

: Опубликовано: 07 Апрель 2026

ҚР Президенті Қ-Ж.Тоқаевтың тапсырмасына сәйкес ел аумағында «Таза Қазақстан» экологиялық акциясы және “Парктер шеруі -2026” табиғат қорғау акция аясында 3 сәуір күні ұлттық парктің Төлеби филиалы Сайрамсу шатқалында дирекция,Төлеби, Өгем филиалдарының қызметкерлері бірлесіп бұлақ көзін тазалау мен демалыс орындарында өткізілген тазалық іс-шарасына БАҚ-нан “Turkistan tv” телеарнасы қатысып, телеакөрсетілім жарияланды

: Опубликовано: 07 Апрель 2026

Кауфман қызғалдағы – сирек кездесетін, ареалы қысқарып бара жатқан ерекше әрі жоғары сәндік өсімдік. Бұл түр 200-ден аса қызғалдақ сортының негізін қалаушы болып саналады.

Биіктігі 10–40 см болатын пиязшықты көпжылдық. Гүлі ірі, жалғыз, жұлдыз пішінді, кейде тостаған тәрізді болып келеді. Түстері алуан түрлі: сары, ақшыл, қызыл, күлгін реңктермен, кейде жолақтары бар ерекше көрініс береді.

Наурыз айының соңынан бастап гүлдеп, көктемнің әсем көркін ашады.

Талас Алатауы, Өгем және Қырғыз жоталарының батыс бөлігіндегі аршалы сирек ормандар арасында өседі.

Қазақстанның Қызыл кітабына енгізілген.

Өкінішке қарай, адамдардың гүл шоқтарын жинауы әлі де кездеседі. Сондықтан бұл өсімдікті жұлуға, пиязшықтарын қазуға қатаң тыйым салынған.

Табиғаттың осындай нәзік сұлулығын бірге сақтайық!

#nationalpark #tulips #tulipakaufmanniana

: Опубликовано: 06 Апрель 2026

2026 жылдың 6 сәуір күні «Парктер шеруі - 2026» табиғат қорғау акциясы аясында «Мирас» университетінің Құқықтану мамандық студенттері мен профессор оқытушылар құрамына ұлттық парк қызметкерлері “Таза табиғат - жарқын келешек” тақырыбындағы танымдық таныстыру сабағы өткізілді. Танымдық кездесу барысында мамандар жастарға Ұлттық парктің тыныс-тіршілігі, «Таза Қазақстан» экологиялық акциясы, туристік бағыттар, өсімдіктер мен жануарлар дүниесі, ғылыми жұмыстар және өрт қауіпсіздігі туралы кеңінен ақпарат берді. Сонымен қатар «Парктер шеруі» акциясының маңызы түсіндіріліп, студенттер алдағы іс-шараларға қатысуға және Ұлттық паркпен тығыз байланыста болуға шақырылды.

: Опубликовано: 06 Апрель 2026

ҚР Президенті Қ-Ж.Тоқаевтың тапсырмасына сәйкес ел аумағында «Таза Қазақстан» экологиялық акциясы және “Парктер шеруі -2026” табиғат қорғау акция аясында 3 сәуір күні ұлттық парктің Төлеби филиалы Сайрамсу шатқалында дирекция,Төлеби, Өгем филиалдарының қызметкерлері бірлесіп бұлақ көзін тазалау мен демалыс орындарында тазалық іс-шарасы ұйымдастырылды.

Сайрамсу өзенінің бойындағы бұлақ көздерін ашып, олардың айналасындағы жерлер тазаланды.Жалпы іс-шараға 60-тан астам адам қатысты.

Табиғатты таза ұстау – әрқайсымыздың міндетіміз.

Таза орта – мәдениетті қоғамның айнасы!

: Опубликовано: 06 Апрель 2026

3 сәуір күні «Таза Қазақстан» экологиялық іс-шарасының аясында Төлеби ауданындағы «Төлеби» жалпы орта білім беретін мектебінде Сайрам-Өгем мемлекеттік ұлттық табиғи паркінің бас директоры А.Тиленов, бас директорының орынбасары Б.Айнабеков қазіргі таңда республика аумағында өтіп жатқан «Таза Қазақстан» ауқымды экологиялық іс-шарасы жөнінде оқушылырға кеңінен мағлұмат берді. Ол елдегі қоршаған ортаны жақсартуға, табиғатты қорғауға, және халықтың экологиялық мәдениетін артыруға бағытталған.