28-інші Наурыз күні Төлеби ауданындағы Қасқасу елді мекенінде өткізілген Жаңару күніне Ұлттық парктің бас директорының орынбасары Б. Айнабеков, экологиялық ағарту және туризм бөлімінің инженерлері Е. Танкеев, М. Сағымбек, ғылым ақпарат және мониторинг бөлімінің ғылыми қызметкері Ғ. Усен және Төлеби филиалының қызметкерлері қатысты. Наурыз мейрамы — бұл жаңару, көктемнің келуі және жаңа жылдың басталуын білдіретін ерекше мереке. Сондықтан оны жиі «жаңару күні» деп атайды.
Айнабеков Бақыт Тоқтасынұлы елімізде өтіп жатқан “Таза Қазақстан” экологиялық акциясы жөнінде айтып өтті. «Таза Қазақстан» экологиялық акциясы — бұл елімізде қоршаған ортаны қорғауға, табиғатты тазартуға және экологиялық мәдениетті арттыруға бағытталған ұлттық бастама.